திருவண்ணாமலை: முருகனுக்கு ஆண்டு தோறும், ஆடி கிருத்திகை, தை கிருத்திகை, தை பூசம், பங்குனி உத்திரம், வைகாசி விசாகம் உள்ளிட்ட பல விழாக்கள் கொண்டாடப்பட்டு வருகிறது. அதன்படி நேற்று கிருத்திகையையொட்டி முருகர் கோயிலில் சிறப்பு பூஜைகள் நடைபெற்றது. தை கிருத்திகை அன்று திருவண்ணாமலை அண்ணாமலையார் கோயில் 5ம் பிரகாரத்தில் அமைந்துள்ள கம்பத்திளையனார் சன்னதியிலிலிருந்து பக்தர்கள் காவடி ஏந்தி மாடவீதியில் வலம் வந்து நேர்த்திக்கடன் செலுத்துவது வழக்கம். ஆனால் இந்த ஆண்டு கடந்த 16ம் தேதி தை கிருத்திகை அன்று அண்ணாமலையார் கோயிலில் திருவூடல் நடைபெற்றதால், அன்றைய தினம் தை கிருத்திகைக்கு காவடி எடுத்து நேர்த்திக்கடன் செலுத்தும் பக்தர்கள் நேர்த்திக்கடன் செய்ய முடியாத நிலை ஏற்பட்டது.