மக்கன் பேடா

என்னென்ன தேவை?

மாவிற்கு:

ரெடிமேட் குலோப்ஜாமூன் மிக்ஸ் - 1 கப்,

பனீர் துருவல் - 1/4 கப்,

மைதா - 1 டேபிள்ஸ்பூன்,

பேக்கிங் சோடா - 1 சிட்டிகை.

பூரணத்திற்கு:

கலந்த நட்ஸ் கலவை - 1/2 கப்,

பொடித்த காய்ந்த திராட்சை - 10.

பாகிற்கு:

சர்க்கரை - 1-1½ கப்,

தண்ணீர் - 1½ கப்,

ஏலக்காய்த்தூள் - சிறிது,

பொரிக்க நெய் அல்லது எண்ணெய் - தேவைக்கு.

எப்படிச் செய்வது?

பாத்திரத்தில் சர்க்கரை, தண்ணீர் சேர்த்து கொதிக்க வைத்து தேன் போன்ற பாகு பதத்திற்கு வந்ததும் ஏலக்காய்த்தூள் சேர்த்து இறக்கவும். பூரணத்திற்கு கொடுத்த பொருட்களை கலந்து வைக்கவும். மாவிற்கு கொடுத்த பொருட்கள் அனைத்தையும் ஒன்றாகக் கலந்து சப்பாத்தி மாவு பதத்திற்கு பிசைந்து 10 நிமிடம் மூடி போட்டு வைக்கவும். பின்பு சிறு எலுமிச்சை அளவு உருண்டையாக எடுத்து உள்ளே 1 டீஸ்பூன் பூரணத்தை வைத்து மூடி, உருண்டையாகவோ அல்லது விருப்பமான வடிவிலோ செய்து மிதமான தீயில் வைத்து சூடான எண்ணெயில் போட்டு பொன்னிறமாக பொரித்தெடுத்து சர்க்கரைப்பாகில் போட்டு 2 மணி நேரம் ஊறவிட்டு எடுத்து பரிமாறவும்.

Related Stories: