சென்னை: பாணா காத்தாடி, ஈட்டி, கணிதன், இரும்புக் குதிரை, ஜெமினிகணேசனும் சுருளிராஜனும், பரதேசி, பட்டத்து அரசன் உள்ளிட்ட படங்களில் நடித்தவர் அதர்வா. காதலும் கடந்து போகும், விக்ரம் வேதா, சில நேரங்களில் சில மனிதர்கள் உள்ளிட்ட படங்களில் வசன கர்த்தாவாகவும் சில்லுக்கருப்பட்டி, 8 தோட்டாக்கள், நெற்றிக்கண், ஏலே, ஜெய் பீம், குட்நைட் படங்களில் முக்கிய வேடங்களிலும் ஹீரோவாகவும் நடித்தவர் மணிகண்டன். இவர்கள் இருவரும் இணைந்து மத்தகம் என்ற வெப்சீரிஸில் நடித்துள்ளனர். டிஸ்னி பிளஸ் ஹாட் ஸ்டார் ஓடிடி தளத்தில் விரைவில் இந்த வெப்சீரிஸ் வெளியாக உள்ளது.

சசிகுமாரின் கிடாரி மற்றும் மறைந்த முன்னாள் முதல்வர் ஜெயலலிதாவின் பயோபிக் வெப் சீரிஸான குயின் வெப் சீரிஸை இயக்கியவர் பிரசாத் முருகேசன். இவரது இயக்கத்தில் உருவாகி இருக்கும் மத்தகம் வெப் சீரிஸில் அதர்வா, மணிகண்டன் ஆகியோருடன் இணைந்து நிகிலா விமல், திவ்யதர்ஷினி, இளவரசு, கவுதம் மேனன், வடிவுக்கரசி, மூணார் ரமேஷ் உள்ளிட்டோர் முக்கிய கேரக்டர்களில் நடித்துள்ளனர். ஏஎம். எட்வின் சாகே ஒளிப்பதிவில், பிரவீன் ஆண்டனி படத்தொகுப்பு செய்திருக்கும் மத்தகம் வெப்சீரிசுக்கு தர்புகா சிவா இசையமைத்திருக்கிறார். இந்நிலையில் மத்தகம் வெப்சீரிஸின் டீசர் தற்போது வெளிவந்துள்ளது.

The post அதர்வா, மணிகண்டன் இணையும் வெப்சீரிஸ் appeared first on Kollywood News | Kollywood Images - Cinema.dinakaran.com.