வேளாண் பல்கலையில். கட்டுமான கலை கண்காட்சி

கோவை, பிப். 7: கோவை தமிழ்நாடு வேளாண்மை பல்கலைக்கழகம், வேளாண் பொறியியல் கல்லூரி மற்றும் ஆராய்ச்சி நிறுவனம் சார்பில், கான்கிரியேட் 1.0 என்ற கட்டமைப்புகளின் கண்காட்சி நடந்தது. இதில், எதிர்கால பொறியாளர்களின் படைப்பாற்றல் மற்றும் துல்லியத்தை முன்னிலைப்படுத்தும் விரிவான மினியேச்சர் மாடல்கள், மாதிரிகளில் பீம்கள், ஸ்லாப்கள், நெடுவரிசைகள், ஆர்சிசி கட்டமைப்புகள், சிலோஸ் மற்றும் தக்கவைக்கும் சுவர்கள் இடம்பெற்று இருந்தது. இதில், வேளாண் பொறியியல் கல்லூரி மற்றும் ஆராய்ச்சி நிறுவனத்தின் முதன்மையர் ரவிராஜ் முன்னிலை வகித்து மாதிரி கட்டமைப்புகள் குறித்து மாணவர்களுடன் கலந்துரையாடினார்.

பின்னர், கண்காட்சியை பார்வையிட்டு, மாதிரிகளை விளக்குவதில் மாணவர்களின் உன்னதமான முயற்சியை பாராட்டினார். இதில், பேராசிரியர்கள் பாலாஜி கண்ணன், அருணாதேவி, மகேந்திரன், ராஜ்கிஷோர், ராமச்சந்திரன் கலந்துகொண்டு மாணவர்களை பாராட்டினர். விழாவை மேசன் ஏஜிஇ மாணவர்கள் மன்றம் ஏற்பாடு செய்திருந்தது. இந்த கான்கிரியேட் 1.0 கண்காட்சி மாணவர்களின் கற்றலை ஊக்குவித்தது. கட்டுமானத்தின் கலை மற்றும் அறிவியலை காட்சிப்படுத்தி, மாணவர்களிடையே புதுமை மற்றும் ஒத்துழைப்பை வளர்த்தது.

The post வேளாண் பல்கலையில். கட்டுமான கலை கண்காட்சி appeared first on Dinakaran.