திருவனந்தபுரம்: கேரள மாநிலம் பத்தனம்திட்டா மாவட்டத்தை சேர்ந்த 18 வயதான பிளஸ் 2 மாணவியான விளையாட்டு வீராங்கனை அவரது காதலன் உள்பட 60க்கும் மேற்பட்டோரால் பலாத்காரம் செய்யப்பட்டது பெரும் பரபரப்பை ஏற்படுத்தியுள்ளது. இந்த மாணவிக்கு 13 வயது இருக்கும் போது பத்தனம்திட்டா மாவட்டம் பிரக்கானம் என்ற பகுதியை சேர்ந்த சுபின் (19) என்ற வாலிபருடன் பழக்கம் ஏற்பட்டுள்ளது. இவர் தான் ஆசைவார்த்தை கூறி மாணவியை முதன்முதலாக பலாத்காரம் செய்துள்ளார்.

தன்னை 64 பேர் பலாத்காரம் செய்ததாக மாணவி போலீசிடம் கூறினார். இந்த வழக்கில் ஒரு பிளஸ் 2 மாணவன் உள்பட 20 பேர் கைது செய்யப்பட்டுள்ளனர். இந்நிலையில் நேற்று இந்த வழக்கில் மேலும் 10 பேர் கைது செய்யப்பட்டனர். இதையடுத்து இந்த வழக்கில் கைது செய்யப்பட்டவர்கள் எண்ணிக்கை 30 ஆக உயர்ந்துள்ளது. இந்த வழக்கில் பலர் தலைமறைவாக உள்ளனர். அவர்களை கைது செய்வதற்காக திருவனந்தபுரம் சரக டிஐஜி அஜீதா பேகம் மேற்பார்வையில் பத்தனம்திட்டா மாவட்ட எஸ்பி வினோத் குமார் தலைமையில் 25 பேர் கொண்ட தனிப்படை அமைக்கப்பட்டுள்ளது.

 

The post விளையாட்டு வீராங்கனை பலாத்காரம் மேலும் 10 பேர் அதிரடி கைது appeared first on Dinakaran.