வேலூர், ஜன.6: வேலூரில் நர்சிங் கல்லூரி மாணவி கடத்தி உள்ளதாக வாலிபர் மீது அவரது பெற்றோர் போலீசில் புகார் அளித்துள்ளனர். வேலூர் சலவன்பேட்டையை சேர்ந்தவர் 17 வயது சிறுமி. இவர் வேலூரில் உள்ள நர்சிங் கல்லூரியில் படித்து வந்தார். நேற்று முன்தினம் வீட்டை விட்டு வெளியே சென்ற மாணவி அதன்பின்னர் திரும்பி வரவில்லை. அதனால் அதிர்ச்சி அடைந்த பெற்றோர் பல்வேறு இடங்களில் தேடியும் மாணவியை கண்டுபிடிக்க முடியவில்லை. இதுகுறித்து மாணவியின் பெற்றோர் வேலூர் தெற்கு போலீசில் புகார் அளித்தனர். அதில் எங்களது மகளை வேலூர் ஓல்டுடவுனை சேர்ந்த 25 வயது வாலிபர் கடத்தி சென்றிருக்கலாம் என்று கூறியிருந்தனர். அதன்பேரில் போலீசார் வழக்குப்பதிவு செய்து மாயமான மாணவியையும், அவரை கடத்தி சென்றதாக கூறப்படும் வாலிபரையும் போலீசார் தேடி வருகின்றனர்.

The post நர்சிங் கல்லூரி மாணவி கடத்தலா? வாலிபர் மீது பெற்றோர் புகார் appeared first on Dinakaran.