ஸ்ரீமுஷ்ணம், ஜன. 6: கடலூர் மாவட்டம் ஸ்ரீமுஷ்ணம் அடுத்த சோழத்தரம் அருகே அறந்தாங்கியில் அட்டை குளம் உள்ளது. இந்த குளத்தில் நேற்று அப்பகுதியை சேர்ந்த சிலர் மீன் பிடித்து கொண்டிருந்தனர். அப்போது மீன் பிடித்து கொண்டிருந்த ஒருவரது வலையில் 6 அடி நீளம் கொண்ட முதலை ஒன்று சிக்கியது.
இதையடுத்து அப்பகுதியில் உள்ள லீபன், ஹென்றி, ஜனா, ஆரோக்கிய பாலு ஆகியோர் அந்த முதலையை பாதுகாப்பாக மீட்டு கரைக்கு கொண்டு வந்தனர். பின்னர் இது குறித்து சிதம்பரம் வனத்துறைக்கு தகவல் தெரிவித்தனர். தகவலின் பேரில், வனக்காப்பாளர் ஞானசேகரன், வன காவலர் புஷ்பராஜ் ஆகியோர் சம்பவ இடத்திற்கு வந்து முதலையை பிடித்து கொள்ளிடம் அணை கரையில் பாதுகாப்பாக விட்டனர்.
The post அறந்தாங்கி அட்டை குளத்தில் வலையில் சிக்கிய முதலை appeared first on Dinakaran.
