புழல்: செங்குன்றத்தில் வாகனங்கள் முன் படுத்துக்கொண்டு, தற்கொலை மிரட்டல் விடுத்த போதை வாலிபரால் பெரும் பரபரப்பு ஏற்பட்டது. செங்குன்றம் பேருந்து நிலையம் அருகே நேற்று முன்தினம் இரவு அந்த வழியாக செல்லும் வாகனங்கள் முன்பு, போதையில் ஒருவர் படுத்துக்கொண்டு தற்கொலை மிரட்டல் விடுத்து ரகளையில் ஈடுபட்டார். தகவல் அறிந்ததும், சம்பவ இடத்திற்கு வந்த செங்குன்றம் போலீசார், போதையில் ரகளையில் ஈடுபட்ட வாலிபரிடம் பேச்சுவார்த்தை நடத்தியும், அவர் தொடர்ந்து நீண்டநேரம் ரகளை செய்தார். இதுகுறித்து, போலீசார் நடத்திய விசாரணையில், சென்னை கொருக்குப்பேட்டையை சேர்ந்த லாரி ஓட்டுநர் காஜா மொய்தீன் (33) என்பதும், மது போதையில் ரகளையில் ஈடுபட்டிருப்பதும் தெரியவந்தது. இதனையடுத்து, போலீசார் பேச்சுவார்த்தை நடத்தி, பின்னர் அவரை அங்கிருந்து அப்புறப்படுத்தி அனுப்பினர்.
The post வாகனங்கள் முன் படுத்து போதை வாலிபர் தற்கொலை மிரட்டல் appeared first on Dinakaran.
