மதுராந்தகம், டிச. 24: மதுராந்தகம் அடுத்த கற்பக விநாயகா பொறியியல் மற்றும் தொழில்நுட்ப கல்லூரியில் முன்னாள் மாணவர்கள் சந்திப்பு நிகழ்ச்சி நேற்று முன்தினம் நடைபெற்றது. இதில், பங்கேற்ற முன்னாள் மாணவர்கள் சங்க தலைவர் யோகானந்த் அனைவரையும் வரவேற்றார்.

இதில், கல்லூரியின் இயக்குனர் முனைவர் மீனாட்சி அண்ணாமலை, முதல்வர் காசிநாத பாண்டியன், சுப்புராஜ் ஆகியோர் சிறப்புரையாற்றினர்.இதில், 300க்கும் மேற்பட்ட முன்னாள் மாணவ, மாணவியர் கலந்து கொண்டனர். இந்த சந்திப்பு நிகழ்சியில், பலர் தங்கள் குழந்தைகளுடன் பங்கேற்றனர். இந்நிகழ்ச்சியில், முன்னாள் மாணவர் கோபிராஜன் மற்றும் கல்லூரியின் துணை டீன்கள் சிவக்குமார், தினேஷ்குமார், செந்தில்குமார் உள்ளிட்ட ஏராளமானவர்கள் கலந்து கொண்டனர்.

The post கற்பக விநாயகா பொறியியல் கல்லூரி மாணவர்கள் சந்திப்பு appeared first on Dinakaran.