கிறைஸ்ட்சர்ச்: இங்கிலாந்து கிரிக்கெட் அணி நியூசிலாந்தில் சுற்றுப்பயணம் மேற்கொண்டு 3 டெஸ்ட் போட்டிகளில் ஆடுகிறது. இதில் முதல் டெஸ்ட் கிறைஸ்ட்சர்ச் மைதானத்தில் நேற்று தொடங்கியது. டாஸ் வென்ற இங்கிலாந்து பந்துவீச்சை தேர்வு செய்ய முதலில் பேட் செய்த நியூசிலாந்து அணியின் கேப்டன் லதாம் 47, ரச்சின் ரவீந்திரா 34, கேன் வில்லிம்யசன் 93 ரன் எடுத்தனர். நேற்றைய முதல் நாள் ஆட்டநேர முடிவில் நியூசிலாந்து 83 ஓவரில் 8 விக்கெட் இழப்பிற்கு 319 ரன் எடுத்திருந்தது. பிலிப்ஸ் 41, சவுத்தி 10 ரன்னில் களத்தில் இருந்தனர். 2வது நாளான இன்று சவுத்தி 15, வில் ஓ ரூர்க் ரன் எதுவும் எடுக்காமல் அவுட் ஆகினார்.

91 ஓவரில் 348 ரன்னுக்கு நியூசிலாந்து ஆல்அவுட் ஆனது. பிலிப்ஸ் 58 ரன்னில் களத்தில் இருந்தார். பின்னர் முதல் இன்னிங்சை தொடங்கிய இங்கிலாந்து அணியில் சாக் கிராலி, ஜோ ரூட் டக்அவுட் ஆக பென் டக்கெட் 46, ஒல்லி போப் 77 ரன் அடித்தனர். 55 ஓவரில் இங்கிலாந்து 5 விக்கெட் இழப்பிற்கு 226 ரன் எடுத்திருந்தது. ஹாரி புரூக் 79, பென் ஸ்டோக்ஸ் ஒரு ரன்னில் களத்தில் இருந்தனர்.

The post இங்கிலாந்துக்கு எதிரான முதல் டெஸ்ட்: 348 ரன்னுக்கு நியூசிலாந்து ஆல்அவுட் appeared first on Dinakaran.