துணை முதல்வர் உதயநிதி ஸ்டாலின் பிறந்தநாளில் காஞ்சி அரசு தலைமை மருத்துவமனையில் பிறந்த குழந்தைகளுக்கு தங்க மோதிரம்: எம்எல்ஏக்கள் வழங்கினர்

காஞ்சிபுரம்: காஞ்சிபுரம் மாவட்ட அரசு தலைமை மருத்துவமனையில், துணை முதல்வர் உதயநிதி ஸ்டாலின் பிறந்தநாளான நேற்று முன்தினம் பிறந்த குழந்தைகளுக்கு தங்க மோதிரம் மற்றும் பரிசு பெட்டகத்தினை உத்திரமேரூர் எம்எல்ஏ க.சுந்தர், காஞ்சிபுரம் எம்எல்ஏ எழிலரசன் ஆகியோர் வழங்கினர். காஞ்சிபுரம் மாவட்டத்தில் பல்வேறு பகுதிகளில் துணை முதல்வர் உதயநிதி ஸ்டாலினின் 47வது பிறந்தநாளை முன்னிட்டு, திமுக சார்பில் ஏழை, எளிய மக்களுக்கு அன்னதானம், நலத்திட்ட உதவிகள், இளைஞர்களுக்கு விளையாட்டு உபகரணங்கள் வழங்கப்பட்டு வருகின்றன.

அதன், ஒரு பகுதியாக காஞ்சிபுரம் மாவட்ட அரசு தலைமை மருத்துவமனையில், துணை முதல்வர் உதயநிதி ஸ்டாலின் பிறந்தநாளான நேற்று முன்தினம் பிறந்த குழந்தைகளுக்கு, காஞ்சி தெற்கு மாவட்ட இளைஞரணி அணி அமைப்பாளர் யுவராஜ் ஏற்பாட்டில் தங்க மோதிரம் வழங்கும் நிகழ்ச்சி நேற்று நடந்தது. இதில், காஞ்சி தெற்கு மாவட்ட செயலாளரும், உத்திரமேரூர் எம்எல்ஏவுமான க.சுந்தர், காஞ்சிபுரம் எம்எல்ஏ எழிலரசன் ஆகியோர் கலந்துகொண்டு, நேற்று முன்தினம் (நவ.27ம்தேதி) பிறந்த 17 குழந்தைகளுக்கு தங்க மோதிரம் மற்றும் குழந்தை பெட்டகத்தை வழங்கினர்.

இந்நிகழ்வில், மேயர் மகாலட்சுமி யுவராஜ், மாநகர செயலாளர் தமிழ்செல்வன், மாவட்ட பொருளாளர் ஆறுமுகம், ஒன்றிய செயலாளர் பி.எம்.குமார், பகுதி செயலாளர்கள் சந்துரு, தசரதன், வெங்கடேசன், திலகர், செயற்குழு உறுப்பினர் எம்.எஸ்.சுகுமார், தலைமை கழக பேச்சாளர் நாத்திகம் நாகராஜன், இளைஞரணி துணை அமைப்பாளர்கள், திமுக நிர்வாகிகள், மருத்துவர்கள் உள்ளிட்ட பலர் கலந்துகொண்டனர்.

The post துணை முதல்வர் உதயநிதி ஸ்டாலின் பிறந்தநாளில் காஞ்சி அரசு தலைமை மருத்துவமனையில் பிறந்த குழந்தைகளுக்கு தங்க மோதிரம்: எம்எல்ஏக்கள் வழங்கினர் appeared first on Dinakaran.