- பழைய ஓ.
- மாமல்லபுரம் எம். ஆர்.
- செங்கல்பட்டு
- செங்கல்பட்டு மாவட்டம்
- மாமல்லபுரத்தில்
- ஓ.
- ஆர் சாலை
- புன்டிதமேடு
- திருப்பூருர்
செங்கல்பட்டு: செங்கல்பட்டு மாவட்டம் மாமல்லபுரம் அருகே ஓ.எம்.ஆர் சாலையில் அமர்ந்திருந்தவர்கள் மீது கார் மோதியதில் 5 பெண்கள் சம்பவ இடத்திலேயே உடல் நசுங்கி பரிதாபமாக உயிரிழந்தனர். திருப்போரூரை அடுத்த பண்டிதமேடு பகுதியை சேர்ந்தவர்கள் அதிகமாக ஆடு, மாடுகளை மேய்த்து வருவர். இவர்கள் இன்று வழக்கம் போல் மாடு மேய்த்து கொண்டிருக்கும் போது சுமார் 100லிருந்து 120 கிலோ மீட்டர் வேகத்தில் அதிவேகமாக வந்த கார் முன்னாள் வந்தவர்களை மோதும் நிலையில் நிலைதடுமாறி சாலை ஓரம் அமர்ந்திருந்த 50 முதல் 60 வயதுடைய 5 பெண்கள் மீது ஏற்றி இழுத்து சென்றது.
இதில் 4 பேர் உடல் நசுங்கி உயிரிழந்தனர். ஒரே ஊரை சேர்ந்த 5 பேர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. விபத்தை ஏற்படுத்திய நபர்களை அப்பகுதி மக்கள் சரமாரியாக அடித்துள்ளனர். இது குறித்து அறிந்த காவல்துறையினர் சம்பவ இடத்திற்கு வந்து விபத்து ஏற்படுத்திய நபர்களை கைது செய்தனர். இந்த நிலையில் அங்கிருந்த பொதுமக்கள் அவர்களை கைது செய்யக்கூடாது எங்களிடம் ஒப்படையுங்கள் என்றனர். கைது செய்யப்பட்ட இரண்டு பேரை காவல் வாகனத்தில் வைத்திருந்த நிலையில் வாகனத்தை பொதுமக்கள் முற்றுகையிட்டு அவர்களை வெளியேற்ற வேண்டும். எங்களிடம் ஒப்படைக்க வேண்டும் என்று வாக்குவாதத்தில் ஈடுபட்டுள்ளனர். உயிரிழந்தவர்களின் உடல்கள் செங்கல்பட்டு அரசு மருத்துவமனைக்கு கொண்டுசெல்லப்பட்டு உடற்கூறாய்வு செய்யப்பட உள்ளது. விபத்து ஏற்படுத்தியவர்கள் வரும் போது 4 பேர் வந்துள்ளனர். அதில் ஒரு பெண் உட்பட ஒருவர் தப்பி சென்றதாகவும். இரண்டு பேர் மட்டும் சிக்கி கொண்டதாகவும் தெரிவித்துள்ளனர் .
The post மாமல்லபுரம் அருகே பழைய ஓ.எம்.ஆர். சாலையில் கார் மோதிய விபத்தில் 5 பெண்கள் சம்பவ இடத்திலேயே பலி..!! appeared first on Dinakaran.
