- தமிழ்நாடு: உச்ச நீதிமன்றம்
- துணை
- உதயநிதி ஸ்டாலின்
- சென்னை
- உதயநிதி ஸ்டால்
- தமிழ்நாடு காங்கிரஸ்
- ஜனாதிபதி
- செல்வாப்பெருந்தகை
- திமுகா
- துணை தலைவர்
சென்னை: தமிழக துணை முதல்வர் உதயநிதி ஸ்டாலின் பிறந்த நாளில் மனதார வாழ்த்துகிறேன் என்று செல்வப்பெருந்தகை கூறியுள்ளார். தமிழக காங்கிரஸ் தலைவர் செல்வப்பெருந்தகை இன்று வெளியிட்டுள்ள அறிக்கையில் கூறியிருப்பதாவது: கலைஞரிடம் 50 ஆண்டுகளுக்கும் மேலாக பயிற்சி பெற்று திமுக தலைவராகவும், தமிழக முதல்வராகவும் மிகச் சிறப்பாக செயல்பட்டு வருகிற மு.க. ஸ்டாலின் மீது சுமத்தப்பட்ட பணிகளை பகிர்ந்து கொள்கிற வகையில் ஆட்சியிலும், கட்சியிலும் பொறுப்புகளை வகித்து மிகச் சிறப்பாக செயல்பட்டு வருகிற துணை முதல்வர் உதயநிதி ஸ்டாலினை, அவரது பிறந்தநாளில் தமிழ்நாடு காங்கிரஸ் சார்பாக மனதார வாழ்த்துகிறேன்.
திமுக இளைஞர் அணி செயலாளராக பொறுப்பேற்று, தமிழகம் முழுவதும் பயிற்சி பாசறைகளை நடத்தி, இளைஞர்களை ஈர்த்த பெருமை உதயநிதி ஸ்டாலினுக்கு உண்டு. அதேபோன்று, விளையாட்டுத்துறை என்பது நகரங்களில் மட்டுமே என்பது மாறி கிராமப்புற விளையாட்டுகளை ஈர்க்கின்ற வகையில் பல்வேறு நடவடிக்கைகளை எடுத்து வருபவர். இவரது பணியின் மூலம் விளையாட்டுத் துறையில் இளைஞர்களின் பங்களிப்பு அதிகமாகி வருகிறது. இத்தகைய ஆக்கப்பூர்வமான பணிகளை தொடர்ந்து சிறப்பாக மேற்கொண்டு வரும் உதயநிதி ஸ்டாலின் பணி சிறக்க வாழ்த்துகிறேன். இவ்வாறு அவர் கூறியுள்ளார்.
The post தமிழக துணை முதல்வர் உதயநிதி ஸ்டாலின் பிறந்த நாளில் மனதார வாழ்த்துகிறேன்: செல்வப்பெருந்தகை அறிக்கை appeared first on Dinakaran.
