புழல்: செங்குன்றத்தில் ரூ.25 லட்சம் செலவில் புதியதாக கட்டப்பட்ட கிளை நூலகம் முதல்தளம் கட்டிடத்தினை மாதவரம் எம்எல்ஏ எஸ்.சுதர்சனம் திறந்து வைத்தார். செங்குன்றத்தில் முழுநேரம் கிளை தூலகம் முதல்தளம் கட்டிடம் கட்டுவதற்காக எஸ்.சுதர்சனம் எம்எல்ஏ, மாதவரம் தொகுதி மேம்பாட்டு நிதியின் கீழ் ரூ.25 லட்சம் நிதி ஒதுக்கினார். அதன்படி, செங்குன்றத்தில் முழுநேரம் கிளை நூலகம் முதல்தளம் கட்டிடம் கட்டி முடிக்கப்பட்டு, அதன் திறப்பு விழா நேற்று நடந்தது.

செங்குன்றம் கிளை நூலக வாசகர் வட்ட தலைவர் இரா.ஏ.பாபு தலைமை தாங்கினார். நூலகர் ஜோதி பாபு அனைவரையும் வரவேற்றார். இதில், சிறப்பு விருந்தினராக மாதவரம் எம்எல்ஏ எஸ்.சுதர்சனம் கலந்துகொண்டு, ரூ.25 லட்சம் மதிப்பீட்டில் புதியதாக கட்டப்பட்ட முழுநேரம் கிளை நூலகம் முதல்தளம் கட்டிடத்தினை திறந்து வைத்தார்.

இந்நிகழ்வில், திருவள்ளூர் மாவட்ட நூலக அலுவலரும், கூடுதல் பொறுப்பு முனைவருமான மு.கவிதா, செங்குன்றம் பேரூராட்சி தலைவர் தமிழரசி குமார், துணை தலைவர் விப்ர நாராயணன், பேரூராட்சி கவுன்சிலர்கள் கோதண்டராமன், இலக்கியன், ரமேஷ், தெய்வானை கபிலன், வினோதினி பாலாஜி, நூலக வாசகர் வட்ட நிர்வாகிகள், வாசகர்கள் உள்ளிட்ட பலர் கலந்துகொண்டனர். முடிவில் வாசகர் வட்ட துணை தலைவர் ஆர்.செல்வகுமார் நன்றி கூறினார்.

The post செங்குன்றத்தில் ரூ.25 லட்சம் செலவில் கிளை நூலகம் திறப்பு: மாதவரம் எம்எல்ஏ பங்கேற்பு appeared first on Dinakaran.