கரூர், நவ.23: கரூர் மாநகராட்சிக்குட்பட்ட காந்திகிராமம் மெடிக்கல் கடை ஒன்றில், கடையில் இருந்த பெண்ணிடம் நகை பறிக்க முயன்ற சம்பவம் வீடியோவாக வைரலகி பரபரப்பை ஏற்படுத்தியுள்ளது.
கரூர்- திருச்சி சாலையில் காந்திகிராமம் பகுதி உள்ளது. இந்த பகுதி சாலையோரம் ஏராளமான வர்த்தக நிறுவனங்கள் உள்ளன. காந்திகிராமம் சாலையோரம் மருந்துக்கடை உள்ளது. கடையில் பெண் ஒருவர் பணியாற்றிக் கொண்டிருந்தார். அப்போது, அந்த கடைக்கு வந்த அடையாளம் தெரியாத வாலிபர், மருந்து வாங்குவது போல நீண்ட நேரம் நின்று கொண்டிருந்தார். அந்த பெண், கடையின் முன்புறம் வந்த போது, கடைக்கு வெளியே நின்று கொண்டிருந்த அந்த வாலிபர், பெண்ணின் கழுத்தில் கிடந்த தங்க செயினை பறிக்க முயன்றார். அதற்குள் அந்த பெண் சுதாரித்துக் கொண்டு கிழே விழுந்துவிட்டார். உடனே அந்த வாலிபர் கடையில் இருந்து தப்பியோடி விட்டார். இதுகுறித்துமெடிக்கல் ஷாப்பில் இருந்த சிடிடிவி கேமராவில் பதிவான வீடியோ நேற்று முன்தினம் இரவு முதல் பல்வேறு பகுதிகளுக்கும் வைரலானது. சமூக வலைதளத்தில் அந்த விடியோ வைரலாக பரவி பரபரப்பை ஏற்படுத்தியது.
இதுகுறித்து தாந்தோணிமலை போலீசார் கூறுகையில், மெடிக்கல் ஷாப்பில் இருந்த பெண்ணின் கழுத்தில் கிடந்த செயினை பறிக்க முயன்ற நபர், கடையில் இருந்து தப்பியோடி விட்டார். அந்த வீடியோ வைரலாகி உள்ளது. காவல் நிலையத்துக்கும் தகவல் வந்தது. ஆனாலும், இதுவரை முறையாக புகார் வரவில்லை. இருப்பினும் நாங்களும் அந்த நபரை தேடி வருகிறோம். விரைவில் பிடித்து விடுவோம் என்றனர்.

The post மெடிக்கல் ஷாப்பில் பெண் ஊழியரிடம் செயின் பறிக்க முயற்சி appeared first on Dinakaran.