சென்னை: சென்னையில் இருந்து சிங்கப்பூர் செல்ல வேண்டிய ஏர் இந்தியா எக்ஸ்பிரஸ் விமானம் தாமதமாக இயக்கப்படும் என்று அறிவிக்கப்பட்டு உள்ளதால் பயணிகள் சிரமத்திற்கு உள்ளாகியுள்ளனர். சென்னையில் இருந்து சிங்கப்பூருக்கு செல்லும் ஏர் இந்தியா எக்ஸ்பிரஸ் விமானம் இன்று அதிகாலை 2.50 மணிக்கு புறப்படும் என்று அறிவிக்கப்பட்டு இருந்தது. இந்த விமானத்தில் பயணித்த 152 பேர் போர்டிங் பாஸ் உள்ளிட்ட தணிக்கைகள் முடிந்து காத்திருந்தன.
ஆனால் நிர்வாக குளறுபடி காரணமாக ஏர் இந்தியா எக்ஸ்பிரஸ் விமானம் புறப்படவில்லை. இந்த தாமதம் காரணமாக 152 பயணிகளும் சிங்கப்பூருக்கு உரிய நேரத்தில் செல்ல முடியாமல் சிரமத்திற்கு உள்ளாகி உள்ளனர். நிர்வாக காரணங்கள் மற்றும் விமானி இல்லாததே இந்த தாமதத்திற்கு காரணம் என்று கூறப்படுகிறது. ஏர் இந்தியா எக்ஸ்பிரஸ் விமானம் 11 மணி நேரம் தாமதமாக இன்று மதியம் 1.55 மணிக்கு சிங்கப்பூர் புறப்பட்டு செல்லும் என்று அறிவிக்கப்பட்டுள்ளது.
The post சென்னை – சிங்கப்பூர் ஏர் இந்தியா எக்ஸ்பிரஸ் விமானம் தாமதம்: பிற்பகலில் கிளம்பும் என்ற அறிவிப்பால் 152 பயணிகள் தவிப்பு appeared first on Dinakaran.
