சேலம், நவ.17: சேலம் சூரமங்கலம் ஆண்டிப்பட்டி பகுதியை சேர்ந்த ஒருவரின் வீட்டின் கதவு நேற்று காலை திறந்திருந்தது. இதற்கிடையில், அவரது வீட்டில் உள்ள கட்டிலுக்கு அடியில் மர்மநபர் ஒருவர் படுத்திருந்தார். இதனை பார்த்து அதிர்ச்சியடைந்த அந்த வீட்டின் உரிமையாளர் சத்தம் போட்டார். அப்போது அங்கு ஓடிவந்த அக்கம்பக்கத்தினர், கட்டிலுக்கு அடியில் படுத்திருந்த அந்த நபரை பிடித்து வெளியே கொண்டு வந்து கட்டிப்போட்டனர்.

அவரிடம் விசாரித்தபோது, மேற்குவங்கத்தை சேர்ந்த அவரது பெயர் பிரிகாம் சோல்(24) என்பதும், கேரளாவுக்கு செல்வதற்காக ரயில் வந்தபோது, மதுபோதையில் சேலத்தில் இறங்கி வந்தவர் வீட்டின் கதவு திறந்து இருந்த நிலையில் அந்த வீட்டிற்குள் நுழைந்து இருப்பதும் தெரியவந்தது. இதுபற்றி சூரமங்கலம் போலீசாருக்கு தகவல் தெரிவித்தனர். அதன்பேரில் சம்பவ இடம் விரைந்து வந்த போலீசார் அந்த வாலிபரை மீட்டு அழைத்துச்சென்றனர். தொடர்ந்து அவரிடம் விசாரணை நடத்தப்பட்டு வருகிறது. இச்சம்பவத்தால் அந்த பகுதியில் பரபரப்பு ஏற்பட்டது.

The post சூரமங்கலத்தில் வீட்டிற்குள் நுழைந்த போதை வாலிபர் போலீசில் ஒப்படைப்பு appeared first on Dinakaran.