சின்னமனூர், நவ. 17: தேனி மாவட்டம், உத்தமபாளையம் பாரமேட்டு தெருவை சேர்ந்தவர் கவுதம்(30). கேட்டரிங் படித்து விட்டு கோவையில் வேலை பார்த்து வந்தார். பின்னர் அந்த வேலையிலிருந்து விலகி கடந்த சில மாதங்களாக வீட்டில் இருந்து வந்தார். இந்த நிலையில் சம்பவத்தன்று சின்னமனூர்-பாளையம் நெடுஞ்சாலையில் முத்துலாபுரம் பிரிவு அருகே நடந்து சென்று கொண்டிருந்தார்.
அப்போது உத்தமபாளையம் நோக்கி சென்ற அரசு பஸ் எதிர்பாராத விதமாக அவர் மீது மோதியது. இதில் படுகாயம் அடைந்த கவுதமை, அங்கிருந்தவர்கள் மீட்டு சின்னமனூர் அரசு மருத்துவமனைக்கு கொண்டு சென்றனர். பின்னர் மேல் சிகிச்சைக்காக மதுரை அரசு மருத்துவமனைக்கு அனுப்பிவைக்கப்பட்டார். அங்கு அவர் சிகிச்சை பலனின்றி இறந்தார். இதுகுறித்து சின்னமனூர் போலீசார் வழக்குப்பதிவு செய்து விசாரணை நடத்தி வருகின்றனர்.
The post பஸ் மோதிய விபத்தில் கேட்டரிங் ஊழியர் பலி appeared first on Dinakaran.
