திண்டுக்கல்லில் கிழக்கு, மேற்கு மாவட்ட திமுக ஆலோசனை கூட்டம் இன்று நடக்கிறது

திண்டுக்கல், நவ. 17: திண்டுக்கல்லில் உள்ள கலைஞர் மாளிகையில் கிழக்கு மற்றும் மேற்கு மாவட்ட திமுக ஆலோசனை கூட்டம் இன்று ஞாயிற்றுக்கிழமை காலை 11 மணியளவில் நடைபெறுகிறது. கழக துணை பொது செயலாளரும், ஊரக வளர்ச்சி துறை அமைச்சருமான ஐ.பெரியசாமி சிறப்புரையாற்றுகிறார். கிழக்கு மாவட்ட அவை தலைவர் காமாட்சி, மேற்கு மாவட்ட அவை தலைவர் மோகன் தலைமை வகிக்கின்றனர். மேற்கு மாவட்ட செயலாளரும் உணவு மற்றும் உணவுப்பொருள் வழங்கல் துறை அமைச்சருமான அர.சக்கரபாணி, கிழக்கு மாவட்ட செயலாளரும், பழநி எம்எல்ஏவுமான ஐ.பி.செந்தில்குமார் முன்னிலை வகிக்கின்றனர்.

எனவே திண்டுக்கல் கிழக்கு மற்றும் மேற்கு மாவட்ட கழக நிர்வாகிகள், தலைமை செயற்குழு, பொதுக்குழு உறுப்பினர்கள், மாநகர செயலாளர் மற்றும் நிர்வாகிகள், ஒன்றிய, நகர, பேரூர், பகுதி கழக செயலாளர்கள், அனைத்து சார்பு அணிகளுடைய மாவட்ட அமைப்பாளர்கள் ஆகியோர் கலந்து கொண்டு சிறப்பிக்க வேண்டுமென மாவட்ட செயலாளர்கள் கேட்டு கொண்டுள்ளனர்.

The post திண்டுக்கல்லில் கிழக்கு, மேற்கு மாவட்ட திமுக ஆலோசனை கூட்டம் இன்று நடக்கிறது appeared first on Dinakaran.