கழுகுமலை, நவ. 15: கழுகுமலை அருகே கஞ்சா விற்ற இளஞ்சிறார் உள்பட 4 பேரை போலீசார் கைது செய்தனர். கழுகுமலை மற்றும் சுற்றுவட்டார பகுதிகளில் கஞ்சா விற்பனை நடைபெறுவதாக மாவட்ட காவல் கண்காணிப்பாளர் அலுவலகத்துக்கு ரகசிய தகவல் கிடைத்தது. இதையடுத்து மாவட்ட காவல் கண்காணிப்பாளர் அலுவலக தனிப்பிரிவு உதவி ஆய்வாளர் ரவிக்குமார் தலைமையில் போலீசார், கழுகுமலை மற்றும் சுற்றுவட்டார பகுதிகளில் நேற்று முன்தினம் ரோந்து பணியில் ஈடுபட்டனர்.

அப்போது கெச்சிலாபுரம் பகுதியில் சந்தேகப்படும்படி நின்றிருந்த இளஞ்சிறார் ஒருவரை பிடித்து சோதனையிட்டனர். அவரிடம் கஞ்சா இருப்பது தெரிய வந்தது. விசாரணையில் அவர் அளித்த தகவலின் பேரில் கழுகுமலை கறிக்கடை தெருவை சேர்ந்த முருகன் மகன் காளிராஜ் (21), துலுக்கர்பட்டி நடுத்தெருவை சேர்ந்த நிசார் அலி மகன் ஆஷிக் ராஜா (22), கழுகுமலை வின்சென்ட் நகரை சேர்ந்த கனி மகன் ஆனந்தராஜ் (19) மற்றும் 17 வயது இளஞ்சிறார் ஆகிய 4 பேரை கைது செய்தனர். இவர்களிடம் இருந்து 150 கிராம் கஞ்சாவும் பறிமுதல் செய்யப்பட்டது.

The post கஞ்சா விற்ற 4 பேர் கைது appeared first on Dinakaran.