2025 பொங்கல் பண்டிகையை முன்னிட்டு சர்வதேச பலூன் திருவிழா நடைபெறவுள்ளது!

சென்னை: 2025 பொங்கல் பண்டிகையை முன்னிட்டு ஜனவரி 10ம் தேதி முதல் 19ம் தேதி வரை சென்னை, கோவை, மதுரை ஆகிய இடங்களில் சர்வதேச பலூன் திருவிழா நடைபெறவுள்ளது. விழா நடைபெறும் தேதியை தமிழ்நாடு அரசு விரைவில் அறிவிக்கும் என தகவல் தெரிவிக்கப்பட்டுள்ளது. கடந்தாண்டு நடைபெற்ற பலூன் திருவிழாவில் 11 நாடுகள் பங்கேற்றன. உலகின் பல்வேறு நாடுகளில் பலூன் திருவிழா கோலாகலமாக நடத்தப்படுகிறது.

அந்த வகையில் இந்தியாவை பொறுத்தவரை ஆந்திராவின் அரக்கு வேலி மற்றும் தமிழகத்தில் பொள்ளாச்சியில் பலூன் திருவிழா நடத்தப்படுகிறது. பொள்ளாச்சி பலூன் திருவிழாவிற்கு சர்வதேச அங்கீகாரம் உண்டு. கடந்த 2015-ம் ஆண்டு முதல் பொங்கல் பண்டிகையை முன்னிட்டு அங்கு சர்வதேச பலூன் திருவிழா நடத்தப்பட்டு வருகிறது. கடந்தாண்டு நடந்த பலூன் திருவிழாவில் 11 நாடுகள் பங்கேற்றன.

இந்நிலையில், தமிழகத்தில் அடுத்த ஆண்டு 2025 பொங்கல் பண்டிகையை முன்னிட்டு ஜனவரி மாதம் 10-ம் தேதி முதல் 19-ம் தேதி வரை சென்னை, கோவை, பொள்ளாச்சி ஆகிய இடங்களில் பலூன் திருவிழா நடத்தப்பட உள்ளது. சென்னையில் எங்கு நடைபெறும் என்பது பரிசீலனை செய்யப்பட்டு வருகிறது. ஒவ்வொரு பகுதியிலும் எப்போது பலூன் திருவிழா நடைபெறும் என்ற தேதியை தமிழ்நாடு அரசு விரைவில் அதிகாரபூர்வமாக அறிவிக்கும் என்று தெரிவிக்கப்பட்டுள்ளது.

The post 2025 பொங்கல் பண்டிகையை முன்னிட்டு சர்வதேச பலூன் திருவிழா நடைபெறவுள்ளது! appeared first on Dinakaran.