நித்திரவிளை: நித்திரவிளை அருகே கோயிக்கல்தோப்பு பகுதியை சேர்ந்தவர் டேவிட் (47). கூலித்தொழிலாளி. நேற்று முன்தினம் இரவு வீட்டின் முன் பக்க படி வழியாக ஏறும் போது, நிலை தடுமாறி தலைகுப்புற கீழே விழுந்துள்ளார். இதை பார்த்த உறவினர்கள் டேவிட்டை மீட்டு அந்த பகுதியில் உள்ள ஒரு தனியார் மருத்துவமனையில் சிகிச்சைக்காக சேர்த்துள்ளனர்.
அங்கு டேவிட்டை பரிசோதித்த மருத்துவர் டேவிட் ஏற்கனவே இறந்து விட்டதாக கூறியுள்ளார். தகவல் அறிந்து சம்பவ இடம் சென்ற நித்திரவிளை போலீசார் உடலை கைப்பற்றி பிரேத பரிசோதனைக்காக குழித்துறை அரசு மருத்துவமனைக்கு அனுப்பி வைத்தனர். இது சம்பந்தமாக டேவிட் மனைவி சுதா (40) நித்திரவிளை போலீசில் புகார் செய்தார். போலீசார் வழக்கு பதிவு செய்து விசாரித்து வருகின்றனர்.
The post நித்திரவிளை அருகே வீட்டு படிக்கட்டில் இருந்து தவறி விழுந்து தொழிலாளி சாவு appeared first on Dinakaran.
