அறந்தாங்கி,அக்.29: அறந்தாங்கியில் 5 பேருக்கு நாய்கடித்து சிகிச்சை பெற்று உள்ளனர். நாய்கள் தொல்லையால் பொதுமக்கள் அவதிப்படுகின்றனர். எனவே நகராட்சி நிர்வாகம் நடவடிக்கை எடுக்க கோரிக்கை விடுத்துள்ளனர். அறந்தாங்கி நகராட்சி பகுதியில் அதிக அளவில் நாய்கள் சுற்றி திரிகிறது. இந்நிலையில் நேற்று மட்டும் 5 பேரை நாய் கடித்து உள்ளது. நேற்று காலை எல்என் புரத்தில் வீட்டின் வாசலில் கோலம் போட்டு கொண்டு இருந்த போது பெண் ஒருவரை நாய் கடித்து உள்ளது.
இதேபோல் பஸ் ஏறுவதற்காக பஸ் ஸ்டாப்பில் நின்ற ஒருவரையும் நாய் கடித்து உள்ளது. இதேபோல் 5 பேருக்கு நாய் கடித்து அறந்தாங்கி அரசு மருத்துவமனையில் ஊசி போட்டு சிகிச்சை எடுத்துள்ளனர். தற்போது பண்டிகை காலம் என்பதால் சாலைகளில் பொதுமக்கள் பொருள் வாங்க அதிக அளவில் வந்து செல்கின்றனர். இதனால் நாய்கள் தொல்லையை நகராட்சி நிர்வாகம் குறைக்க நடவடிக்கை எடுக்க வேண்டும் என பொதுமக்கள் வியாபாரிகள் கோரிக்கை விடுத்துள்ளனர்.
The post அறந்தாங்கியில் 5 பேரை தெரு நாய் கடித்து குதறியது appeared first on Dinakaran.
