ஸ்டாக்ஹோம்: ஸ்வீடன் அணியுடனான டேவிஸ் கோப்பை டென்னிஸ் (குரூப் 1) போட்டியில் இந்திய அணி ஒற்றையர் மற்றும் இரட்டையர் ஆட்டங்களில் தொடர்ச்சியாக தோல்விகளைத் தழுவியது. ஸ்டாக்ஹோமில் நடந்த இப்போட்டியின் ஒற்றையர் ஆட்டங்களில் ஸ்ரீராம் பாலாஜி 4-6, 2-6 என நேர் செட்களில் ஸ்வீடனின் ஒய்மர் இலியாஸிடமும், ராம்குமார் ராமநாதன் 3-6, 4-6 என்ற நேர் செட்களில் போர்க் லியோவிடமும் தோற்றதை அடுத்து இந்தியா 0-2 என பின்தங்கியது.
இதனால் இரட்டையர் ஆட்டத்தில் வெற்றி பெற வேண்டிய கட்டாயத்துடன் ஸ்ரீராம் பாலாஜி – ராம்குமார் ராமநாதன் ஜோடி களமிறங்கியது. பெர்கெவி பிலிப் – ஆந்த்ரே கோரன்சன் ஜோடியுடன் மோதிய பாலாஜி – ராம்குமார் இணை 3-6, 4-6 என மண்ணைக் கவ்வியதை அடுத்து, ஸ்வீடன் அணி 3-0 என அசைக்க முடியாத முன்னிலை பெற்றது. முதலாவது மாற்று ஒற்றையர் ஆட்டத்தில் இந்தியாவின் விஷ்வகர்மா சித்தார்த் 2-6, 2-6 என ஒய்மர் இலியாஸிடம் சரணடைந்தார். ஸ்வீடன் 4-0 என முன்னிலை பெற்றதை அடுத்து பாலாஜி – லியோ இடையேயான கடைசி மாற்று ஒற்றையர் ஆட்டம் கைவிடப்பட்டது.
The post டேவிஸ் கோப்பை டென்னிஸ் ஸ்வீடனுக்கு எதிராக இந்திய அணி ஏமாற்றம் appeared first on Dinakaran.
