செய்யாறு, ஆக. 9: செய்யாறு புதுத்தெருவைச் சேர்ந்தவர் சரவணன் (53). நகராட்சி அலுவலக வளாகத்தில் ஜெராக்ஸ் கடை வைத்துள்ளார். இவரது வீட்டின் முன்பகுதியில் உள்ள குடிநீர் தொட்டியில் மின் மோட்டார் பொருத்தியிருந்தார். நேற்று முன்தினம் காலை பார்த்தபோது மின்மோட்டார் காணாமல் போனதை கண்டு அதிர்ச்சியடைந்தார். மர்ம ஆசாமிகள் மின்மோட்டாரை திருடி சென்றது தெரிய வந்தது. இதுகுறித்து சரவணன் செய்யாறு போலீசில் புகார் செய்தார். அதன் பேரில் சப்-இன்ஸ்பெக் டர் கிருஷ்ண மூர்த்தி வழக்கு பதிவு செய்து விசாரணை நடத்தினார். மேலும் அப்பகுதியில் உள்ள சிசிடிவி கேமராக்களில் பதிவான காட்சிகளை ஆய்வு செய்தார். அதில் கண்ணியம் நகரை சேர்ந்த ஆனந்தன் (25) என்பவர், சரவணன் வீட்டில் மின் மோட்டாரை திருடி செல்லும் காட்சிகள் பதிவாகி இருந்தது தெரிய வந்தது. இதையடுத்து போலீசார் ஆனந்தனை கைது செய்தனர். மேலும், மின் மோட்டாரை பறிமுதல் செய்தனர். பின்னர் அவரை செய்யாறு குற்றவியல் நீதிமன்றத்தில் ஆஜர்படுத்தி வந்தவாசி கிளை சிறையில் அடைத்தனர்.
The post மின்மோட்டார் திருடிய வாலிபர் கைது ஜெராக்ஸ் கடைக்காரர் வீட்டில் appeared first on Dinakaran.
