டெல்லி: நாடு முழுவதும் சிபிஎஸ்இ 10ம் வகுப்பு தேர்வு முடிவுகள் வெளியானது. 10-ம் வகுப்பு சிபிஎஸ்இ பொதுத்தேர்வை 21.86 லட்சம் மாணவ, மாணவிகள் எழுதினர். 10-ம் வகுப்பு சிபிஎஸ்இ பொதுத்தேர்வு பிப்.15-ம் தேதி முதல் மார்ச் 13-ம் தேதி வரை நடைபெற்றது. 12-ம் வகுப்பு பொதுத்தேர்வு முடிவு வெளியிடப்பட்டதை தொடர்ந்து 10-ம் வகுப்பு தேர்வு முடிவும் வெளியிடப்பட்டுள்ளது. 25724 பள்ளிகள் சிபிஎஸ்இ பத்தாம் வகுப்பு தேர்வுகளை 7603 மையங்களில் நடத்தின.
சிபிஎஸ்இ 10-ம் வகுப்பு பொதுத்தேர்வில் 93.60% மாணவ, மாணவிகள் தேர்ச்சி பெற்றுள்ளனர். கடந்த ஆண்டைவிட 0.48% அதிகம். தேர்வு எழுதிய 22,38,827 மாணவர்களில் 20,95,467 மாணவர்கள் தேர்ச்சி பெற்றுள்ளனர். சிபிஎஸ்இ 10-ம் வகுப்பு தேர்விலும் திருவனந்தபுரம் மண்டலமே 99.75 சதவீத தேர்ச்சியுடன் முதலிடத்தை பெற்றுள்ளது. 99.60% தேர்ச்சியுடன் விஜயவாடா மண்டலம் 2-வது இடமும் 99.30% தேர்ச்சியுடன் சென்னை மண்டலம் 3-வது இடமும் பெற்றுள்ளது. 77.94% தேர்ச்சியுடன் அசாமின் குவாஹாத்தி மண்டலம் கடைசி இடத்தைக் கைப்பற்றியுள்ளது.
நாடு முழுவதும் சிபிஎஸ்இ 10-ஆம் வகுப்பு வாரியத் தேர்வில் பங்கேற்ற மாணவர்கள், சிபிஎஸ்இ அதிகாரப்பூர்வ இணையதளமான cbse.gov.in-ல் தங்களது மதிப்பெண் பட்டியலைப் பார்க்கலாம். CBSE 10 ஆம் வகுப்பு முடிவுகளைச் சரிபார்க்கக்கூடிய அதிகாரப்பூர்வ இணையதளங்கள் cbseresults.nic.in, results.cbse.nic.in, cbse.nic.in, digilocker.gov.in, results.gov.in. டிஜிலாக்கர் மற்றும் உமாங் ஆகிய மொபைல் பயன்பாடுகளிலும் முடிவுகளைப் பார்க்கலாம்.
இந்தத் தேர்வுகள் 1,88,558 உதவிக் கண்காணிப்பாளர்களின் உதவியுடன் 94,279 அறைகளைப் பயன்படுத்தி 7612 தேர்வு மையங்களில் மூன்று நாட்கள் நடைபெற்றன. சிபிஎஸ்இ பத்தாம் வகுப்புத் தேர்வுகள் பிப்ரவரி 15 முதல் மார்ச் 13, 2024 வரை நடைபெற்றன. சுமார் 39 லட்சம் மாணவர்கள் 10 மற்றும் 12ஆம் வகுப்புத் தேர்வுகளை எழுதினர்.
கடந்த ஆண்டின் போக்குகளைப் பார்க்கும்போது, 2023 ஆம் ஆண்டில், சிபிஎஸ்இ முடிவுகள் மே 12 அன்று அறிவிக்கப்பட்டன. 2022 ஆம் ஆண்டில், இது ஜூலை 22 அன்று அறிவிக்கப்பட்டது. முன்னதாக, சிபிஎஸ்இ பன்னிரண்டாம் வகுப்பை அறிவித்தது. வாரியத் தேர்வில் 87.98 சதவீத மாணவர்கள் தேர்ச்சி பெற்றுள்ளனர்.
The post நாடு முழுவதும் சிபிஎஸ்இ 10ம் வகுப்பு தேர்வு முடிவுகள் வெளியானது appeared first on Dinakaran.
