சென்னை: தமிழ்நாட்டில் அதிகபட்சமாக மதுரையில் 105 டிகிரி ஃபாரன்ஹீட் வெயில் கொளுத்தியதால் மக்கள் அவதியடைந்துள்ளனர். திருச்சியில் 103 டிகிரி ஃபாரன்ஹீட், கோவையில் 101 டிகிரி ஃபாரன்ஹீட், சேலத்தில் 100 டிகிரி ஃபாரன்ஹீட் வெயில் பதிவாகியுள்ளது.
கத்திரி வெயில் எனப்படும் அக்னி நட்ச்சதிரம் தொடங்கிய மே 4-ம் தேதி தருமபுரியில் 106 டிகிரி பதிவான வெயில் தற்போது 95 டிகிரி ஃபாரன்ஹீட் ஆக குறைந்துள்ளது. திருவள்ளூரில் வெயில் தாக்கம் வெகுவாக குறைந்து இன்று 99 டிகிரி ஃபாரன்ஹீட் ஆக பதிவானது.
சென்னையில் கடந்த சில நாட்களாக கொளுத்திய கோடை வெயிலின் தாக்கம் வெகுவாக குறைந்தது. சென்னை மீனம்பாக்கத்தில் கடந்த சில நாட்களாக 103 டிகிரி வரை பதிவான வெயில் இன்று 99 டிகிரி ஃபாரன்ஹீட் ஆக குறைந்தது.
The post தமிழகத்தில் அதிகபட்சமாக மதுரையில் 105 டிகிரி ஃபாரன்ஹீட் வெயில் பதிவு appeared first on Dinakaran.
