தென்காசி, தமிழகத்தில் மிகச்சிறந்த சுற்றுலா தலங்களில் ஒன்று குற்றாலம். இங்கு ஆண்டுதோறும் ஜூன், ஜூலை, ஆகஸ்டு மாதங்களில் சீசன் இருக்கும். இந்த காலங்களில் சாரல் மழை விட்டுவிட்டு பெய்யும். இடையிடையே இதமான வெயில் அடிக்கும். இங்குள்ள மெயின் அருவி, ஐந்தருவி, பழைய குற்றாலம், புலியருவி, சிற்றருவி ஆகிய அனைத்து அருவிகளிலும் தண்ணீர் கொட்டும். இந்த அருவிகளில் சுற்றுலா பயணிகள் குளித்து மகிழ்வார்கள். இந்த சீசனை அனுபவிக்க தமிழகம் மட்டுமல்லாமல் பிற மாநிலங்களில் இருந்தும் சுற்றுலா பயணிகள் குற்றாலம் வந்து செல்வார்கள்.
இந்த ஆண்டு சீசன் தாமதமாக தொடங்கியது. தொடங்கிய சில நாட்களிலேயே சாரல் மழை இல்லாமல் அருவிகளில் நீர்வரத்து குறைந்தது. இதனால் சுற்றுலா பயணிகள் ஏமாற்றம் அடைந்தனர்.