தர்மபுரி, செப்.23: உத்தரகாண்ட் மாநிலம் டேராடூன் ராணுவ கல்லூரியில், மாணவர் சேர்க்கைக்கான தகுதித்தேர்வில் பங்கேற்க வரும் 15ம் தேதிக்குள் விண்ணப்பிக்குமாறு தர்மபுரி கலெக்டர் சாந்தி தெரிவித்துள்ளார். இதுகுறித்து அர் வெளியிட்டுள்ள செய்திக்குறிப்பில் கூறியிருப்பதாவது: உத்தரகாண்ட் மாநிலம் டேராடூனில் செயல்பட்டு வரும் இந்திய ராணுவ கல்லூரியில், 2023ம் கல்வி ஆண்டில் 8ம் வகுப்பு மாணவ-மாணவிகள் சேர்க்கைக்கான தகுதித்தேர்வு வரும் டிசம்பர் மாதம் 3ம் தேதி நடைபெற உள்ளது. இதற்கு விண்ணப்பிக்க விரும்புவோர் 11 வயதுக்கு குறையாமலும், 13 வயதுக்கு மிகாமலும் இருக்க வேண்டும். 2.7.2010க்கு முன்போ 1.1.2012க்கு பின்னரோ பிறந்திருக்க கூடாது. இந்த தகுதித்தேர்வுக்கான விண்ணப்ப படிவம், தகவல் கையேடு மற்றும் முந்தைய வினாத்தாள்களின் நகல்கள் பெற பொதுப்பிரிவு விண்ணப்பதாரர்கள் ரூ.600ம், எஸ்சி- எஸ்டி பிரிவினர் சாதி சான்றிதழுடன் ரூ.555-ம் கட்டணமாக செலுத்த வேண்டும்.