திருவிடைமருதூர் மகாலிங்கசுவாமி கோயிலில் ரூ.7.34 லட்சம் உண்டியல் வசூல்

திருவிடைமருதூர், ஆக.12: தஞ்சாவூர் மாவட்டம் திருவிடைமருதூரில் பிரசித்தி பெற்ற பிரம்மஹத்தி தோஷம் நீக்கும் சிறப்பு ஸ்தலமான ஜோதி மகாலிங்க சுவாமி கோயில் உள்ளது. இக்கோயிலில் 2 ஆண்டுகளுக்குப் பிறகு 3 திருப்பணி உண்டியல்கள் திறக்கப்பட்டு எண்ணப்பட்டது. இதில் பக்தர்கள் செலுத்திய காணிக்கையாக சுமார் 7 லட்சத்து 34 ஆயிரத்து 455 ரூபாய் இருந்தது. இதையடுத்து இத்தொகை முழுவதும் கோயிலின் திருப்பணிக் கணக்கில் செலுத்தப்பட்டது. கோயிலின் முக்கிய நிர்வாகிகள் மற்றும் கண்காணிப்பாளர் கண்ணன் தலைமையில் உண்டியல் திறக்கப்பட்டு எண்ணப்பட்டது. காணிக்கைகளை எண்ணும் பணியில் 10க்கும் மேற்பட்ட ஊழியர்கள் ஈடுபட்டனர்.