ஸ்ரீவைகுண்டம், ஜன. 29: ஸ்ரீவைகுண்டத்தை சுற்றிலும் ஆன்மீக சிறப்புவாய்ந்த நவதிருப்பதி கோயில்கள் அமைந்துள்ளன. ஆழ்வார்களால் மங்களாசாசனம் பாடப்பெற்ற வைணவ திருப்பதிகளில் ஒன்றான கள்ளபிரான் சுவாமி கோயிலில் மூலவர் அவதார தின விழாவை முன்னிட்டு நேற்று காலை 7 மணிக்கு விஸ்வரூபம், 9 மணிக்கு மூலவர் சுவாமி வைகுண்டநாதனுக்கு பால் திருமஞ்சனம், தீபாராதணை நடந்தது. காலை 11 மணிக்கு உற்சவர் ஸ்ரீகள்ளப்பிரான் சுவாமி, தாயார்கள் தேவி, பூதேவியுடன் தங்கமசகிரி மண்டபத்திற்கு எழுந்தருளினார். பின்னர் சிறப்பு திருமஞ்சனம், நாலாயிர திவ்யபிரபந்த சேவை கோஷ்டி நடைபெற்றது.