வேலூர், ஏப். 16: வேலூர் மாவட்டத்தில் குடியாத்தம் தொகுதியில் 408 வாக்குச்சாவடி மையங்கள் உள்ளதால் அங்கு பதிவான வாக்குகள் 30 சுற்றுகளாக எண்ணப்படும் என்று தேர்தல் பிரிவு அதிகாரிகள் தெரிவித்தனர்.
வேலூர் மாவட்டத்தில் வேலூர், காட்பாடி, அணைக்கட்டு, குடியாத்தம், கே.வி.குப்பம் ஆகிய 5 சட்டமன்ற தொகுதிகளுக்கு கடந்த 6ம் தேதி வாக்குப்பதிவு நடந்தது. இந்த தொகுதிகளில் பதிவான வாக்கு மெஷின்கள் வேலூர், காட்பாடி, குடியாத்தம் ஆகிய பகுதிகளில் 3 அடுக்கு பாதுகாப்புடன் வைக்கப்பட்டுள்ளது. வேலூர் தொகுதியில் 364 வாக்குச்சாவடி மையங்களில் 1 லட்சத்து 77 ஆயிரத்து 769 வாக்குகளும், காட்பாடி தொகுதியில் 349 வாக்குச்சாவடி மையங்களில் 1 லட்சத்து 83 ஆயிரத்து 930 வாக்குகளும், அணைக்கட்டு தொகுதியில் 351 வாக்குச்சாவடி மையங்களில் 1 லட்சத்து 96ஆயிரத்து 146 வாக்குகளும், கே.வி.குப்பம்(தனி) தொகுதியில் 311 வாக்குச்சாவடி மையங்களில் 1 லட்சத்து 72ஆயிரத்து 343 வாக்குகளும், குடியாத்தம் (தனி) தொகுதியில் 408 வாக்குச்சாவடி மையங்களில் 2 லட்சத்து 10ஆயிரத்து 187 வாக்குகளும் என மாவட்டத்தில் பதிவான மொத்த வாக்குகள் 73.98 சதவீதமாகும். இந்நிலையில் ஒவ்வொரு தொகுதியிலும் எத்தனை சுற்றுகள் வாக்கு எண்ணப்படும் என்று தேர்தல் பிரிவு அதிகாரிகள் தெரிவித்தனர்.