சென்னை: நெடுஞ்சாலைகளின் தலைவர்கள் பெயர் மாற்றப்பட்டதில் மத்திய, மாநில அரசுகளுக்கு சம்பந்தம் இல்லை என ஜி.கே.வாசன் கூறியுள்ளார். இதுகுறித்து தமாகா தலைவர் ஜி.கே.வாசன் வெளியிட்ட அறிக்கை: சென்னையில் உள்ள தந்தை ஈ.வெ.ரா. பெரியார் சாலையின் பெயர் கிராண்ட் வெஸ்டர்ன் டிரங்க் ரோடு என்று மாற்றப்பட்டு இருப்பதும், தொடர்ந்து அண்ணா சாலை மற்றும் காமராஜர் சாலையின் பெயர்களும் நெடுஞ்சாலைதுறை இணைய தளத்தில் மாற்றப்பட்டுள்ளது. இச்செயல் தமிழகத்தினுடைய மூத்த மறைந்த அரசியல் தலைவர்களுடைய நற்பெயருக்கு களங்கம் விளைவிப்பதாகும்.