கலசபாக்கம், ஏப்.10: கொரோனா வைரஸ் தடுப்பு நடவடிக்கையில் ஊராட்சி செயலாளர்கள் தனி கவனம் செலுத்த வேண்டும் என்று பிடிஓ கூறினார்.கலசபாக்கம் பிடிஓ அலுவலகத்தில் கொரோனா வைரஸ் தடுப்பு பணியில் மேற்கொள்ள வேண்டிய நடவடிக்கைகள் குறித்து நேற்று ஊராட்சி செயலாளர்களுக்கான கூட்டம் நடைபெற்றது. கூட்டத்துக்கு பிடிஓ மகாதேவன் தலைமை தாங்கினார். அப்போது அவர் பேசுகையில்,கொரோனா வைரஸ் தடுப்பு நடவடிக்கை பணியில் ஊராட்சி செயலாளர்கள் தனி கவனம் செலுத்த வேண்டும். தங்கள் பகுதியில் உள்ள திருமண மண்டபங்களில் விசேஷங்களுக்கு 100 நபர்களுக்கு மேல் வந்தால் அனுமதிக்கக்கூடாது. அதேபோல் முகக்கவசம் அணியாமல் வருபவர்களுக்கு அபராதம் விதிக்க வேண்டும்.