அந்தியூர், பிப். 24:   டி.வி. நடிகையின் பெயரில் உள்ள முகநூல் பக்கத்தில் சமத்துவ மக்கள் கட்சியின் ஈரோடு மாவட்ட செயலாளர் செல்போன் எண் உள்ளதால், வாலிபர்கள் போன் செய்து தெந்தரவு செய்வதாக போலீசில் புகார் அளித்துள்ளார். ஈரோடு மாவட்டம், அந்தியூர் அருகே உள்ள அண்ணாமடுவை பகுதியைச் சேர்ந்தவர் குருநாதன். இவர் சமத்துவ மக்கள் கட்சியின் ஈரோடு வடக்கு மாவட்ட செயலாளராக உள்ளார். டிவி தொடர் நடிகை நந்தினி மைனா பெயரில் போலி முகநூல் கணக்கை உருவாக்கி, குருநாதனின் செல்போன் எண்ணை  இணைத்துள்ளனர்.

இதனால், நந்தினி மைனா என நினைத்து, இரவு நேரங்களில் வாலிபர்கள் பலர் இவரது செல்போனுக்கு தொடர்பு கொண்டு பேசுகின்றனர்.

மேலும், ‘நீங்க அழகா இருக்கீங்க’ உங்கள நேர்ல பாக்கணும்’ என்றும், தகாத வார்த்தைகள் பேசியும் மன உளைச்சலுக்கு ஆளாக்கி வருகின்றனர்.  இது குறித்து அந்தியூர் போலீசில் புகார் கொடுத்த குருநாதன், ஈரோடு மாவட்ட சைபர் கிரைம் போலீசாரிடமும் புகார் அளித்துள்ளார்.