சென்னை: சென்னை, மதுரை அரவிந்த் கண் மருத்துவ அமைப்பின் மூத்த கண் மருத்துவரான டாக்டர் ஹரிப்ரியா அரவிந்த், 2026ம் ஆண்டிற்கான ஏஎஸ்சிஆர்எஸ் அறக்கட்டளையின் உயரிய “சாங் – கிராண்டல் மனிதாபிமான விருது” பெற தேர்வு செய்யப்பட்டுள்ளார். இந்த வகையான விருது உலக அளவில் முதல் முறையாக இந்திய மருத்துவர்களுக்கு வழங்கப்படுவது குறிப்பிடத்தக்கது.

கண் பராமரிப்பு மற்றும் மோதி காரணமாக ஏற்படும் குருட்டுத்தன்மை தடுப்பு துறையில் உலகளவில் மிகப் பெருமைக்குரிய விருதாக இது கருதப்படுகிறது. அமெரிக்காவின் சமூகம் மற்றும் மறுவிழிப்பு அறுவை சிகிச்சை சங்கமான ஏஎஸ்சிஆர்எஸ் அறக்கட்டளை வழங்கும் இந்த விருது, உலகம் முழுவதும் பின்தங்கிய மற்றும் சேவை குறைவான மக்களுக்கு அர்ப்பணிப்புடன் கண் சிகிச்சை வழங்கி வரும் நிபுணர்களை கவுரவிக்கிறது.

மேலும் அரவிந்த் கண் மருத்துவமனையின் மருத்துவர் டாக்டர் வெங்கடேஷ் ரெங்கராஜூக்கும் இந்த விருது வழங்கப்பட உள்ளது. இந்த விருது வழங்கும் விழா 2026 ஏப்ரல் 11ம் தேதி அமெரிக்காவின் வாஷிங்டன் டி.சி.நகரில் நடைபெற உள்ளது.