ஊட்டி,ஜன.28: ஊட்டியில் கட்டிட தொழிலாளியை கொன்ற வாலிபருக்கு ஊட்டி நீதிமன்றம் ஆயுள் தண்டனை விதித்தது. ஊட்டி கூட்செட் பகுதியில் தனியார் கட்டுமான பணிகள் நடந்தது. தேனியை சேர்ந்த தங்கவேல் என்பவரும், சேலம் ஆத்தூர் பகுதியை சேர்ந்த தர்மதுரை (24) ஆகியோரும் பணியில் ஈடுபட்டு வந்தனர். கடந்த 2017ம் ஆண்டு மே மாதம் 5ம் தேதி காலை வெகுநேரம் ஆகியும் தங்கவேல் மற்றும் தர்மதுரை ஆகியோர் பணிக்கு வரவில்லை. அவர்கள் தங்கியிருந்த ஷெட்டிற்கு சென்று ஊழியர்கள் பார்த்துள்ளனர். அப்போது, கட்டிடத்தின் ஒரு பகுதியில் தங்கவேல் ரத்த காயங்களுடன் கிடந்தார். உடனே, அவர் மருத்துவமனைக்கு கொண்டுச் செல்லப்பட்டார். ஆனால், அவர் ஏற்கனவே உயிரிழந்தது தெரியவந்தது. இதனை தொடர்ந்து, கட்டுமான பணிகளை பார்த்து வந்த ரபீக் உடனடியாக ஊட்டி ஜி1 காவல் நிலையத்திற்கு தகவல் தெரிவித்தனர்.