திருச்சி, மார்ச் 20: உலகத்தையே அச்சுறுத்தும் கொரோனா வைரஸ் தாக்குதலில் இருந்து தற்காத்து கொள்ள முகத்தில் மாஸ்க் அணிந்து கொள்ள அறிவுறுத்தப்படுகிறது. இந்த மாஸ்க்குகள் மருந்து கடைகளில் கிடைக்கிறது. கொரோனா வைரஸ் காரணமாக மாஸ்க்குகளை அதிக விலைக்கு விற்பதாக குற்றச்சாட்டு எழுந்து வருகிறது. இதையடுத்து மருத்துவத் துறை அதிகாரிகள் கடைகளில் சோதனை செய்து உரிய நடவடிக்கை எடுத்து வருகின்றனர். அந்த வகையில் நேற்று கலெக்டர் சிவராசு உத்தரவின் பேரில் மருத்துவதுறை அதிகாரிகள் திருச்சி மாநகரில் உள்ள பல்வேறு தனியார் மருந்து கடைகளில் திடீர் ஆய்வு செய்தனர்.