கிருஷ்ணகிரி, மார்ச் 20: கிருஷ்ணகிரியில், பல்பொருள் அங்காடி தீப்பற்றி எரிந்ததில் ₹5 லட்சம் மதிப்பிலான பொருட்கள் எரிந்து நாசமானது. கிருஷ்ணகிரியில் பெங்களூரு சாலையில், லண்டன்பேட்டை பகுதியில் பல்பொருள் அங்காடி செயல்பட்டு வருகிறது. இந்த அங்காடியின் முன்புறம் பானிபூரி கடை மற்றும் ஜூஸ் கடை உள்ளன. இந்நிலையில், நேற்று அதிகாலை 4.30 மணியளவில் அப்பகுதியில் உள்ள ஜூஸ் கடை அருகில் இருந்த குளிர்சாதன பெட்டி(பிரிட்ஜ்) மின் கசிவு காரணமாக தீப்பிடித்தது. அப்போது, தீ வேகமாக பரவியதில் ஆர்.ஓ. மெஷின், பானிபூரி தயாரிக்கும் இயந்திரம், மூலப்பொருட்கள் தீப்பற்றி எரிந்தன. மேலும், ஷட்டரை ஒட்டியுள்ள மின்சார ஒயர் வழியாக கடைக்குள் பரவியது.