திருவாரூர், ஜன. 29: குடியரசு தினத்தன்று பணிபுரிந்த பணியாளர்களுக்கு விடுமுறையோ, இரட் டிப்பு சம்பளமோ வழங்காத நிறுவனங்கள் மீது தொழிலாளர் துறை சார்பில் அதிரடி நடவடிக்கை எடுக்கப் பட்டுள்ளதாக மாவட்ட உதவி ஆணை யர் தெரிவித்துள்ளார். இதுகுறித்து திருவாரூர் மாவட்ட தொழிலாளர் உதவி ஆணையர் (அமலாக்கம்) பாஸ்கரன் விடுத்துள்ள செய்திக் குறிப்பு: மாநில தொழிலாளர் ஆணையர் நந்தகோபால் உத்தரவின் பேரில், திருச்சி கூடுதல் தொழிலாளர் ஆணையர் பாலசுப்ரமணியன் மற்றும் தொழிலாளர் இணை ஆணையர் தர்மசீலன் ஆகியோரின் அறிவுறுத்தலின் பேரில் எனது தலைமையில் தொழிலாளர் துறை அலுவலர்கள் அடங்கிய குழு குடியரசு தினத்தன்று திருவாரூர் மற்றும் நாகை மாவட்டங்களில் இயங்கும் கடைகள், வணிக நிறுவனங்கள், உணவு நிறுவனங்கள் மற்றும் மோட்டார் போக்குவரத்து நிறுவனங்கள் என மொத்தம் 163 நிறுவனங்களில் திடீர் ஆய்வு மேற்கொண்டது.

இதில் 18 கடைகள் மற்றும் வணிக நிறுவனங்கள், 22 உணவு நிறுவனங்கள் என மொத்தம் 40 நிறுவனங்கள் முறையாக அறிவிப்பு செய்து பணியா ளர்களுக்கு இரட்டிப்பு சம்பளமோ அல்லது மாற்று விடுமுறையோ, முறையாக அளிக்க வழிவகை செய்யாது பணிக்கு அமர்த்தியது கண்டறியப்பட்டு அந்நிறுவனங்கள் மீது சட்டப்படியான நடவடிக்கை மேற்கொள்ளப் பட்டது. இவ்வாறு அதில் பாஸ்கரன் தெரிவித்துள்ளார்.