காஞ்சிபுரம். நவ.14: நிர்வாகப் பிரச்னைகளால் காவலர் தகுதித்தேர்வு ஒத்தி வைக்கப்பட்டுள்ளது. வரும் 18ம் தேதி முதல் நடைபெறும் என எஸ்பி கண்ணன் தெரிவித்துள்ளார். இதுகுறித்து அவர் வெளியிட்டுள்ள அறிக்கை. தமிழக காவல்துறையில் 2019ம் ஆண்டுக்கான 2ம் நிலை காவலர், ஜெயில் வார்டன், தீயணைப்பு துறைக்கான உடற்திறன் தேர்வு நடைபெற்று வந்தது. இந்த வேளையில், நிர்வாக பிரச்னையின் காரணமாக தற்காலிகமாக உடற்தகுதி தேர்வு நிறுத்தி வைக்கப்பட்டது.முதற்கட்ட உடல் தகுதி தேர்வில் தேர்ச்சி பெற்ற காஞ்சிபுரம் மற்றும் திருவள்ளூர் மாவட்ட விண்ணப்பதாரர்களுக்கு இந்த தேர்வுகள் வரும்18ம் தேதி முதல் காஞ்சிபுரம் அடுத்த காரப்பேட்டை பக்தவச்சலம் பாலிடெக்னிக் கல்லூரியில் மீண்டும் நடைபெறும்.