கரூர், செப். 17: போக்குவரத்துக்கு இடையூறாக உள்ள டிரான்ஸ்பார்மரை மாற்றி அமைக்க வாகன ஓட்டிகள் எதிர்பார்க்கின்றனர். கரூர் மேற்குபிரதட்சணம் சாலையில் மினிபேருந்து நிலையத்தை அடுத்து டிரான்ஸ்பார்மர் அமைக்கப்பட்டுள்ளது. சாலையோரம் இந்த டிரான்ஸ்பார்மர் இருப்பதால் போக்குவரத்து நெரிசல் ஏற்படுகிறது. இதன் அருகே வடிகால் உள்ளது. போதுமான இடமும் இருக்கிறது. வடிகால் ஓரத்தில் டிரான்ஸ்பார்மரை மாற்றி அமைத்து போக்குவரத்து நெரிசலுக்கு முற்றுப்புள்ளி வைக்க வேண்டும் என்பது பொதுமக்களின் எதிர்பார்ப்பாக இருக்கிறது. டிரான்ஸ்பார்மரை ஒட்டி பொது இடம் உள்ளது. இதனையும் சிலர் ஆக்கிரமித்துள்ளனர்.