கரூர், மார்ச் 19: கரூரில் காங்கிரஸ் கட்சி வேட்பாளர் அறிவிப்புக்கு பிறகு தேர்தல் பிரச்சாரம் களை கட்டவுள்ளது. கரூர் பாராளுமன்ற தேர்தலில் அமமுக சார்பில் அக்கட்சியின் மாவட்ட செயலாளர் தங்கவேல் வேட்பாளராக அறிவிக்கப்பட்டுள்ளார். இதே போல், அதிமுக சார்பில், சிட்டிங் எம்பி தம்பிதுரையே திரும்பவும் வேட்பாளராக அறிவிக்கப்பட்டுள்ளார். இந்நிலையில், திமுக கூட்டணியில் உள்ள காங்கிரஸ் கட்சி மட்டுமே இன்னும் கரூர் பாராளுமன்ற தொகுதி வேட்பாளர் யார் என்பதை அறிவிக்காமல் உள்ளது. இந்நிலையில், அமமுக சார்பில் வேட்பாளராக அறிவிக்கப்பட்ட தங்கவேல், நேற்று கரூர் பாராளுமன்ற தொகுதிக்குட்பட்ட மணப்பாறையில் தேர்தல் பிரச்சாரத்தை துவக்கியுள்ளார். இந்த கட்சிக்கு இன்னும் சின்னம் அறிவிக்கப்படாத நிலையிலேயே அவர், பெயரளவுக்கு பிரச்சாரத்தை துவங்கியுள்ளார்.