கோவை, பிப்.14:கோவை காந்திபுரம் பகுதியில் நேற்று காதலர் தினத்திற்கு எதிர்ப்பு தெரிவித்து போராட்டத்தில் ஈடுபட்ட இந்து முன்னணியை சேர்ந்த 56 பேரை போலீசார் கைது செய்தனர்.
உலகம் முழுவதும் இன்று காதலர் தினம் கொண்டாடப்படுகிறது. இதற்கு எதிர்ப்பு தெரிவித்து பல்வேறு அமைப்பினர் போராட்டம் நடத்தி வருகின்றனர். இந்நிலையில், நேற்று மாலை கோவை காந்திபுரம் சித்தி விநாயாகர் கோவில் அருகே திரண்ட இந்து முன்னணியினர் திடீர் போராட்டம் நடத்தினர். மாநில நிர்வாக குழு உறுப்பினர் குணா தலைமையில், மாவட்ட செய்தி தொடர்பாளர் தனபால் முன்னிலையில் நடைபெற்ற இந்த போராட்டத்தில் காதலர் தினத்திற்கு எதிராக கோஷங்கள் எழுப்பப்பட்டது.