வாலிபரை அறையில் பூட்டி தர்ம அடி கொடுத்த சகோதரர்கள் கைது செய்யாறு அருகே பரபரப்பு அண்ணியுடன் தனிமையில் பேசிய

செய்யாறு, பிப்.8: செய்யாறு அருகே அண்ணியுடன் தனிமையில் பேசிய, வாலிபரை அறையில் பூட்டி வைத்து தர்மஅடி கொடுத்த சகோதரர்களை போலீசார் கைது செய்தனர். திருவண்ணாமலை மாவட்டம், செய்யாறு அடுத்த கீழ்புதுப்பாக்கம் பசும்பொன் நகரை சேர்ந்தவர் பரத்(25), துணி ஏற்றுமதி நிறுவனத்தில் வேலை செய்து வருகிறார். காமராஜ் நகரை சேர்ந்தவர் 26 வயது இளம்பெண். இவரது கணவர் வெளிநாட்டில் வேலை செய்து வருகிறார். அவரது சகோதரர்கள் சபீர்(30), காதர்(29), தாயார் பாத்திமா பீபீ(50).இந்நிலையில், இளம்பெண்ணுக்கும், பரத்க்கும் இடையே பழக்கம் ஏற்பட்டு அடிக்கடி சந்தித்து பேசி வந்ததாக கூறப்படுகிறது. இதையறிந்த, சபீர், காதர், மாமியார் பாத்திமா பீபீ பலமுறை கண்டித்தும் பழக்கத்தை கைவிடவில்லையாம்.இதற்கிடையில், கடந்த 5ம் தேதி இரவு 11.30 மணியளவில் இளம்பெண், பரத்திற்கு போன் செய்து தனது வீட்டிற்கு வரவழைத்தாராம். அப்போது, இருவரும் தனிமையில் பேசிக்கொண்டிருந்தபோது கையும், களவுமாக பிடித்த, சபீர், காதர், பாத்திமா பீபீ ஆகியோர் இளம்பெண்ணையும், பரத்தையும் சரமாரி தாக்கியதாக கூறப்படுகிறது. பின்னர், பரத்தை ஒரு அறையில் வைத்து பூட்டி, சகோதரர்கள் இருவரும் சேர்ந்து அடித்து உதைத்தார்களாம்.

இதுகுறித்து தகவலறிந்த செய்யாறு போலீசார் சம்பவ இடத்திற்கு சென்று பரத்தை மீட்டு, சிகிச்சைக்காக செய்யாறு அரசு மருத்துவமனையில் சேர்த்தனர். பின்னர், அவர் மேல்சிகிச்சைக்காக சென்னை அரசு மருத்துவமனைக்கு மாற்றப்பட்டார்.இதுகுறித்த புகாரின் பேரில் செய்யாறு போலீஸ் சப்-இன்ஸ்பெக்டர் நாராயணன் வழக்குப்பதிந்து சபீர், காதர் ஆகிய 2 பேரையும் கைது செய்தார். மேலும், தலைமறைவாக உள்ள பாத்திமா பீபீயை தேடிவருகிறார்.

Related Stories: