கிருஷ்ணகிரி, ஜன.11: வேப்பனஹள்ளியில் திமுக சார்பில் நடந்த ஊராட்சி சபை கூட்டத்தில், எம்எல்ஏக்கள் பிரகாஷ் மற்றும் முருகன் ஆகியோர் பங்கேற்றனர். வேப்பனஹள்ளியில் திமுக சார்பில் “மக்களிடம் செல்வோம், மக்களிடம் சொல்வோம், மக்கள் மனதை வெல்வோம்” என்ற முழக்கத்துடன் ஊராட்சி சபை கூட்டம் நடந்தது. கூட்டத்திற்கு கிழக்கு மாவட்ட துணைச் செயலாளர் முருகன் எம்எல்ஏ தலைமை வகித்தார். மாவட்ட அவைத்தலைவர் யுவராஜ், மாவட்ட பொருளாளர் ஜெயராமன், பொதுக்குழு உறுப்பினர் சின்னசாமி ஆகியோர் முன்னிலை வகித்தனர். ஒன்றிய செயலாளர் ரகுநாத் வரவேற்றார். இதில், சிறப்பு அழைப்பாளராக மேற்கு மாவட்ட செயலாளர் பிரகாஷ் எம்எல்ஏ பங்கேற்று பேசினார். கூட்டத்தில், வேப்பனஹள்ளி, தளிகோட்டூர், அரியனப்பள்ளி, சின்னபொம்மரசனப்பள்ளி, பெரியபொம்மரசனப்பள்ளி, கோனேகவுண்டனூர் உள்ளிட்ட 10க்கும் மேற்பட்ட கிராமங்களை சேர்ந்த 500க்கும் மேற்பட்டோர் பங்கேற்றனர்.