திருப்புத்தூர், டிச.7: திருப்புத்தூர் திருத்தளிநாதர் கோயிலில் சம்பக சஷ்டி உற்சவத்தை முன்னிட்டு நாளை காலை 9 மணிக்கு யோகபைரவர் சன்னதி முன்பு கும்பங்கள் வைத்து சிவாச்சாரியார்களால் அஷ்ட பைரவர் யாகம் ஆரம்பமாகும். காலை 11.30 மணியளவில் பூர்ணாகுதியும், மதியம் 12 மணிக்கு யோக பைரவருக்கு பால், சந்தனம், மஞ்சள், தயிர், பன்னீர் உள்ளிட்ட 16 விதமான திரவியங்களாலும், யாகம் செய்யப்பட்ட புதிய நீராலும் சிறப்பு அபிஷேகமும், சிறப்பு அர்ச்சனையும் நடைபெறும்.