மணப்பாறை, நவ.14: மணப்பாறையில் பெயிண்டர் வீட்டின் பூட்டை உடைத்து 3 பவுன் நகை மற்றும் ரூ.15 ஆயிரத்தை மர்ம நபர்கள் திருடிச் சென்றனர். மணப்பாறை காட்டுப்பட்டியை சேர்ந்தவர் பாபு, பெயிண்டர். இவருக்கு சொந்தமான வீடு பூமாலைபட்டியில் உள்ளது. அந்த வீட்டில் தாயார் கவுசல்யா (58) என்பவர் மட்டும் தனியாக வசித்து வருகிறார். நேற்று முன்தினம் வீட்டை பூட்டிவிட்டு கவுசல்யா மகளை பார்க்க வெளியூர் சென்றுவிட்டார். இதனையடுத்து தாய் வீட்டிற்கு நேற்று சென்ற பாபு வீட்டின் பூட்டு உடைக்கப்பட்டிருப்பது தெரிந்து அதிர்ச்சியடைந்தார். பின்னர் வீட்டினுள் சென்று பார்த்தபோது பீரோவில் இருந்த 3 பவுன் நகை மற்றும் ரூ15 ஆயிரம் கொள்ளை போனது தெரியவந்தது.