அரியலூர், நவ. 1: அரியலூர் அருகே வீட்டு கதவை திறந்து வைத்து தூங்கிய தாய், மகளிடம் 10 பவுன் நகையை பறித்து சென்ற மர்மபர்களை போலீசார் தேடி வருகின்றனர். அரியலூர் அருகே உள்ள வாரணவாசி கிராமம் கீழத்தெருவை சேர்ந்தவர் ராமசாமி மனைவி மகாலட்சுமி (45). இவரது மகள் இலக்கியா (26). இவர்கள் 2 பேரும் நேற்று முன்தினம் இரவு வீட்டின் கதவை திறந்து வைத்து விட்டு தூங்கினர். நள்ளிரவில் மர்மநபர்கள் வீட்டுக்குள் புகுந்து தூங்கி கொண்டிருந்த மகாலட்சுமி கழுத்தில் இருந்து 4 பவுன் தாலிச்செயினை பறித்தனர். அப்போது கண்விழித்து ஜெயினை பிடித்து கொண்டு மகாலட்சுமி போராடினார். அப்போது மகாலட்சுமி கழுத்தை பிடித்து மர்மநபர் அழுத்தி செயினை பறித்தார். இதையடுத்து இலக்கியா அணிந்திருந்த 7 பவுன் செயினை பறித்து கொண்டு மர்மநபர்கள் தப்பினர்.