பெரம்பலூர், அக்.11: மாநில அளவில் நடந்த டென்னிஸ் போட்டியில் பெரம்பலூர் தனலட்சுமி சீனிவாசன் உடற்கல்வியியல் கல்லூரி முதலிடம் பெற்று சாதனை படைத்துள்ளது. தமிழ்நாடு உடற்கல்வியியல் மற்றும் விளையாட்டு பல்கலைக்கழகம் சார்பில் திருநெல்வேலியிலுள்ள செயின்ட் ஜான் உடற்கல்வியியல் கல்லூரி வளாகத்தில் மாநில அளவில் கல்லூரிகளுக்கிடையேயான டென்னிஸ் போட்டி நடைபெற்றது. இந்தப் போட்டியில் பெரம்பலூர் தனலட்சுமி சீனிவாசன் உடற்கல்வியியல் கல்லூரிஅணி கலந்து கொண்டு முதலிடம் பெற்று சாதனை படைத்தது.